تمھارے شہر میں اپنا گزارا ہی نہیں ہے
Jun.23, 2015 in
POETRY, Urdu Broken heart Poetry, Urdu Sad Poetry
پلٹ کر پھر کبھی اُس نے پکارا ہی نہیں ہے
وہ جس کی یاد سے دل کو کنارا ہی نہیں ہے
محبت کھیل ایسا تو نہیں ہم لوٹ جائیں
کہ اس میں جیت بھی ہوگی خسارا ہی نہیں ہے
کبھی وہ جُگنوؤں کو مٹھیوں میں قید کرنا
مگر اب تو ہمیں یہ سب گواراہی نہیں ہے
اب اس کے خال وخد کا ذکر کیا کرتے کسی سے
کہ ہم پر آج تک وہ آشکارا ہی نہیں ہے
یہ خواہش تھی کہ ہم کچھ دور تک تو ساتھ چلتے
ستاروں کا مگر کوئی اشارا ہی نہیں ہے
بہت سے زخم کھاکر دل نے آخرطے کیا ہے
تمھارے شہر میں اپنا گزارا ہی نہیں ہے
Advertisement