Aziz itnaa hi rakho ke ji sanbhal aaye
ab is qadar bhi na chaaho ke dam nikal jaaye

miley hain yun to bahut aao ab milen yun bhi
ke ruh garmi-e-anfaas se pighal jaaye

muhabbaton mein ajab hai dilon ko dhadkaa saa
ke jaane kaun kahaan raastaa badal jaaye

rahe vo dil jo tamannaa-e-taazaa tar mein
rahe khushaa vo umr jo khvaabon hi mein bahal jaaye

main vo charaag-e-sar- e-rahguzaar- e-duniyaa hun
jo apni zaat ki tanhaaiyon mein jal jaaye

har ek lehjaa yahi aarzu yahi hasrat
jo aag dil mein hai vo sher mein bhi dhal jaaye

VN:F [1.9.22_1171]
Rating: 0.0/5 (0 votes cast)