Mohabbat ki asiri say rehai mangtay rehna
Bohat aasan nahi hota judai mangtay rehna

Zara sa ishq kar lena,zara si aankh bhar lena
Ewaz is kay magar sari khudai mangtay rehna

Kabhi mehroom honton par dua ka hurf rakh dena
Kabhi wehshat me us ki narasai mangtay rehna

Wafaon kay tasalsul se mohabbat rooth jati hai
Kahani main za…ra si bewafai mangtay rehna

Ajab hai wehshat-e-jaan bhi kh ibadat ho gai dil ki
Sukooot-e-sham-e-gham se humnumai mangtay rehna

Kabhi bachay ka nannhay hath par titli k par rakhna
Kabhi phir us kay rangon se rehai mangtay rehna

VN:F [1.9.22_1171]
Rating: 0.0/5 (0 votes cast)