Dayar-e-ghair main kaisay tujhay sada daitay
Jun.23, 2015 in
Urdu Misc Poetry
Dayar-e-ghair main kaisay
tujhay sada daitay
Tu mil bhi jata tu aakhir tujhay ganwa daitay
Tum he nay hum ko sunaya na apan dukh
Dua woh kartay k hum aasman hila daitay
Humay ya za’m raha ab k woh pukarain gain
Unhay ya zid thi k har bar hum sada daitay
Woh tera ghum tha k taseer meray lahjay ki
K jis ko haal sunatay …usay rula daitay
Tumhay bhulana he awal dastaras main nahi!
Jo ikhtiyar main hota tu kia bhula daitay ??
Tumhari yaad nay koi jawab he na dia
Meray khial k aansoo rahay sada daitay
Samato’on ko main tha umar kosta syed
Woh kuch na kehtay magar hont tu hila daitay
Advertisement