Dil kabhi surat-e-halaat se baher na gia
Main muhabat mein bhi awqaat se baher na gia

Ek tu hai k jahaan bher se hai ta’aluq tera
Ek main hun ke teri zaat se baher na gia

Soch koi nai teri soch se hat ker sochi
Tazkira koi bhi teri baat se baher nai gia

Merhala tujh se judai ka bhi aan pohncha hai
Main abhi pehli mulaaqaat se… baher nai gia

Aao suraj ko btaty hain tamazat kia hai
Chand kia jane wo to raat se baher na gia