Koi zabt de na jalal de,
Mujhe sirf itna kamal de,
Mai har ek ki sada banun,
K zamana meri misaal de,
Teri rehmaton ka nuzool ho,
Meri mehnaton ka sila milay,
Mujhe maal o zar ki hawas na ho,
Mujhe bas tu rizq e halal de,
Mere zehen mai Teri fikr ho,
Meri saans mai Tera zikr ho, …
Tera khauf meri nijaat ho,
Sabhi khauf dilse nikal de,
Teri bargaah mai Aay Khuda meri roz o shab hai yahi Dua,
Tu Raheem hai Tu Kareem hai,
Tu sabhi balaa’on ko taal de.
(AAMEEN)

VN:F [1.9.22_1171]
Rating: 0.0/5 (0 votes cast)