Muslim nai bhi ta’ameer kia, apna harum aur Tahzeeb ke azar ne trishwai sanam aur
Iss daur main may aur hai, jaam aur hai, jum aur
Saaqi ne bina ki rawish-e-lutf-o-sitam aur
Muslim nai bhi ta’ameer kia, apna harum aur
Tahzeeb ke azar ne trishwai sanam aur
In taza khudaon main baRa sab se watan hai
Jo pairhan iss ka hai, woh mazhab ka kafan hai
Yeh but keh tarasheeda-e-tahzeeb-i-navi hai
Gharat gar-e-khashan-e-deen-i-nabawi hai
Baazu tira tawheed ki quwwat se qawi hai
Islam tira dais he, tu Mustafawi hai!
Nazzara-e-deerana zamanay ko dikha dai
Ai Mustafawi, khaak main iss but to mila dai
Ho qaid-maqaami to nateeja hai tabahi
Rah bahar main azad-e-watan, soorat-e-maahi
Hai tark-e-watan sunnat-e-Mahboob-e-Ilaahi
Dai tu bhi nabuwwat ki sadaqat peh gawahi
Guftaar-e-siyasat main watan aur hi kuch hai
Irshaad-e-nabuwwat main watan aur hi kuch hai
Aqwaam-e-jahan main hai raqabat, to issi sai
Taskheer hai maqsood-e-tijarat, to issi sai
Khaali hai sadaqat sai siyasat, to issi sai
Kamzor ka ghar hota hai gharat, to issi sai
Aqwam main makhlooq-e-khuda bat-ti hai iss sai
Qaumeat islam ki jaR kat-ti hai iss sai