wafa ke waday wo saray bhula gaya chup chap
wo mere dil ki deewarein hila gaya chup chap

ghum e hayat ke taptay hoye bayaban mein
humhien chor ke wo tanha chala gaya chup chap

najanay wo kon sa wo badnaseeb lamha tha
jo ghum ki aag mein mujh ko jala gaya chup chap

mein jis ko chohti hon wo zakham deta hai
wo phool aese chaman mein khila gaya chup chap

VN:F [1.9.22_1171]
Rating: 5.0/5 (1 vote cast)
wafa ke waday wo saray bhula gaya chup chap , 5.0 out of 5 based on 1 rating