Zameen pay chal na saka aasman say bhi gaya
kataa k par wo parinda uraan se bhi gaya

Tabaah kar gayi pakkay makaan ki khwahish
main apnay gaaon k kachay makaan se bhi gaya…

Paraai aag mein jal k bhi kia milaa mujh ko?
usay bacha na saka apni jaan se bhi gaya

Bhulana chaha to us ki bhi intehaa kar di
Wo shakhs ab mere wehm-o-gumaan say bhi gaya

Kisi k haath ka nikla hua wo teer hoon main
hadaf ko choo na saka or kamaan say bhi gaya !!!

VN:F [1.9.22_1171]
Rating: 0.0/5 (0 votes cast)