har ek baat pe kehte ho tum ke tu kya hai
tumhee kaho ke ye andaaz-e guftagu kya hai

ragon me daudte phirne ke hum nahi khayal
jo aankh hee se na tapka to phir lahu kya hai

jala hai jism jahan dil bhi jal gaya hoga
kuredte ho jo ab raakh justuju kya hai

rahi na taqate guftaar aur agar ho bhi
to kis umeed kahiye ke aarzoo kya hai

VN:F [1.9.22_1171]
Rating: 5.0/5 (2 votes cast)
har ek baat pe kehte ho tum ke tu kya hai, 5.0 out of 5 based on 2 ratings