Aik jaisi lagti hain chooriyan aur larkiyaan
toot’ti hain hansti hain chooriyan aur larkiyaan

naaz ki intaha hai ik zara si thais se
toot ker bikharti hain chooriyan aur larkiyaan

zindagi ki dharkan ko ik ridham sa daiti hain
zeest ko sajati hainchooriyaan aur larkiyaan

pyar ki ruton per bhi kia nikhaar ata hai
bewaja khanakti hain chooriyan aur larkiyaan

apnay dukh ko dil k sath rakh k bhool jati hain
kis qadar chamkti hain chooriyaan aur larkiyaan………..!!!!

VN:F [1.9.22_1171]
Rating: 5.0/5 (1 vote cast)
Aik jaisi lagti hain chooriyan aur larkiyaan, 5.0 out of 5 based on 1 rating