Har Subah Nikal Parti Hai Jo Khud Ki Talash Main..
Woh Khoi Hui Si Ek Pehchan Hoon Main..
Na Aankhon Mein Khuwab Hai Na Dil Mein Tamanna Koi..
Apni Banai Hui Rahon Se Hi Anjaan Hoon Main..
Kabhi Zara Si Baat Par Ansu Baha Deta Tha Jo..
Aaj Rah Mein Pari Lash Ki Tarah Bejaan Hoon Main..
Aankho Mein Khuwab Sajany Ki Bhi Saza Hui Hai Mujh Ko..
Khilny Se Pehly Hi Jo Toot Jaye Aisa Ek Arman Hoon Main..
Jany Kitny Hi Khuwab Dafana Chuka Hoon Is Dil Mein..
Ab To Lagta Hai Jaisy Khud Hi Ek Qabrastan Hoon Mein.

VN:F [1.9.22_1171]
Rating: 0.0/5 (0 votes cast)