Kaha Na Pyar Hai Tum Se,
To Phir Kyun Zid Tumhari Hai,
Ke Jab Bhi Main Milun Tum Se,
Yehi Izhaar Ho Labb Pey;
Mujhey Tum Se Mohabbat Hai ♥

Tumhein Maloom Hai Jana;
Mohabbat To Mohabbat Hai,
Ye To Aankhon Mein Dikhti hai,
Haseen Se Khwab Ki Soorat,
Isey Kehna Nahin Padta,
Bohat Chup Chaap Jazbaa Hai,
Dabey Pao’n Hi Chalta Hai,
Magar Jo Naqsh Is Key Hain,
Bohat Hi Gehrey Hotey Hain,
Unhein Kehna Nahin Padta,
Magar Izhaar Hota Hai,
Kabhi Bato’n Ki Khushboo Se,
Kabhi Aankhon Ki Shokhi Se,
To Phir Kyun Zidd Tumhari Hai,
Ke Jab Bhi Main Milun Tum Se,
Yehi Izhaar Ho Labb Pey;
Mujhey Tum Se Mohabbat Hai ♥

VN:F [1.9.22_1171]
Rating: 5.0/5 (1 vote cast)
Kaha Na Pyar Hai Tum Se,, 5.0 out of 5 based on 1 rating