Qissa Abhi Hijaab Se Aagay Nahin Barha
Main ‘Aap’, Woh ‘Janab’ Se Aagay Nahin Barha
Muddat Hui Kitaab-E-Mohabbat Shuroo Kiay
Lekin Main Pehlay Baab Se Aagay Nahin Barha
Lambee MusaafataiN Hain, Magar Iss Sawaar Ka
PaaoN Abhi Raqaab Se Aagay Nahin Barha
LogoN Ne Sang-O-Khisht Kay Qal’ay Bana Liay
Apna Mehel To Khawab Say Aagay Nahin Barha
Tool-E-Kalaam Kay Liay Main Ne Kiay Sawaal
Woh Mukhtasar Jawab Se Aagay Nahin Barha