Musalmaan Hain Magar Shaan -e- Musalmaan Baich Daitay Hain
Yahan Daulat Kee Khatir Log Imaan Baich Daitay Hain
Naqab e Rehbari Pehnay Hue Iss Daur Kay Taajir
Maaz ALLAH Zaalim Log QURAA’N Baich Daitay Hain
Siyasat Kay Darindon Kee Haqeeqat Poochtay Kya Ho
Garibon Ka Lahu.. Behnon Ka Daaman Baich Daitay Hain
Utar Aatay Hain Jab Ahlay Watan Gairat Faroshi Par
Buzrugon Ka Haseen Kirdaar…. Insaan Baich Daitay Hain
Gazab Ye Hai Yahan Par Iqtidaar aur Shaan Kee Khaatir
Bharee Basti Luteron Ko Nighebaan Baich Daitay Hain
Ab Gairat e Kirdaar Ka Kya Tazkira Karna
Suna Hai Muflisee Main Log Imaan Baich Daitay Hain