Gulaab chehray pay muskuraahat
Chamakti aankhon main shoakh jazbay
Wo jab bhi college ki serhion say
Saheelion ko liay utarti
To aesay lagta k jesay dil main utar rahi ho
Kuch is tayaqqun say baat krti
K jesay dunya usi ki aankhon say dekhti hay
wo apnay rastay pay dil bichati hoi nigahon say hans kay kehti
Tumharay jesay buhat say larkon say main yeh baaten
Buhat say barson say sun rahi hun
Main saahilon ki hawa hon nelay samandron k liay bani hon
Wo Sahilon ki hawa si larki
Wo kal mili to usi tarah thi
Gulaab chehray pay muskurahat
Chamakti aankhon main shoakh jazbay
K jaisay chandi pighal rahi ho
Magar jo wo boli to us k lehjay main wo thakan thi
K jaisay sadion say dasht e zulmat main chal rahi ho