mere des ko har koi kha raha hai
mere des ko har koi kha raha hai
bara zulm hai jo huay jaa raha hai
kahin par siyasat ki baazi lagi hai
GST ki shart taazi lagi hai
Sar e aam aur har jaga chal raha hai
cricket k ooper juwa chal raha hai
nahi jisnay khela wo pachta raha hai
bara zulm hai jo huay jaa raha hai
Mila aik se aik barh k nirala
Para har jaga apna shodon se paala
koi aaye maaray unhain rakh k sota
safar chaand ka haath mein phir bhe lota
rishwat se chappal ko chamka raha hai
bara zulm hai jo huay jaa raha hai
khud apnay liye apna phanda wo chun le
jo angrez meera ki english ko sunn le
wo foto se faato wo lehjay ki halchal
rahay uski tammee mein headache musalsal
zuban o beyan case uljha raha hai
bara zulm hai jo huay jaa raha hai
wo uncle ho, maamu ho ya koi dady
jisay dekhiye sirf larrnay ko ready
huay saaray aapas mein mukki, kassunni
magar phir bhe badnaam bas aik munni
bohat uska aashaq bhe shokha raha hai
bara zulm hai jo huay jaa raha hai
taraqqi kay manzar badalnay lagay hain
k ching chi bhe runway pe chalnay lagay hain
sitaron ki manzil ka ye raasta tha..!!
khala tak gaye par wo bait ul khala tha
gaya jo wahin beth kar gaa raha hai
bara zulm hai jo huay jaa raha hai…