اک تو شوقِ سفر بھی رکھتے ہو
Nov.25, 2021 in
Aarzoo Shayari, Ibne_Umeed, Urdu Ghazal, Urdu Misc Poetry
اک تو شوقِ سفر بھی رکھتے ہو
اور نگاہوں میں گھر بھی رکھتے ہو
چھوڑ ساحل کو بھی نہیں سکتے
منزلوں پہ نظر بھی رکھتے ہو
مصلحت ظلم سے بھی جاری ھے
جوشِ خونِ جگر بھی رکھتے ہو
تم بغاوت کا حوصلہ تو کرو
جان جاو گے، پَر بھی رکھتے ہو
موت کا وقت جب مقرر ھے
پھر زمانے کا ڈر بھی رکھتے ہو
دل میں باطل سے کُڑھتے رہتے ہو
احترامِ نظر بھی رکھتے ہو
میرِ ملت، انا کا خوں کر کے
اپنے شانوں پہ سر بھی رکھتے ہو
بن کے سردارِ قوم بیٹھے ہو
لب پہ بوندِ عذر بھی رکھتے ہو
تم نے شب کو بھی تھام رکھا ھے
اور امید سحر بھی رکھتے ہو
Advertisement