Asar Us Ko Zara Nahin Hota
Ranj Rahat Fizza Nahin Hota

Tum Humaray Kisi Tarhan Na Howay
Warna Duniya Main Kia Nahin Hota

Naarsai Say Dam Rukay Tu Rukay
Main Kisi Say Khafa Nahin Hota

Tum Merey Paas Hotay Ho, Goya
Jab Koi Doosraa Nahin Hota

Haal-E-Dil Yaar Ko Likhoon Kion Kar
Haath Dil Say Judda Nahin Hota

Kion Sunay Arz-E-Muztarib Aye “Momin”
Sanam Aakhir Khuda Nahin Hota